Proizvodi Industrije mesa Goranović Nikšić su na ocjenjivanju kvaliteta na 20. Generalnom sajmu B&H koji se održava u Zenici imali stoprocentan uspjeh.

Za ocjenjivanje kvaliteta, kandidovana su 4 (četiri) proizvoda i svi kandidovani proizvodi su dobili zlatne medalje za kvalitet – “ZLATNE RUŽE” ZEPS-a. Proizvodi koji su ponijeli epitet najkvalitetnijih predstavljaju proizvode iz novog proizvodnog asortimana kompanije koji se mogu naći na domaćem i tržištu zemalja u regionu od avgusta mjeseca tekuće godine. Radi se o proizvodima vrhunskog kvaliteta koji su pakovani u zaštićenoj atmosferi, bez alergena i glutena i to su: čajna kobasica Goranović (u zaštićenoj atmosferi), budimska kobasica Goranović (u zaštićenoj atmosferi) i kulen Goranović (u zaštićenoj atmosferi), kao i o proizvodu Premium šunka Goranović koji je takođe proizvod bez alergena i glutena sa sadržajem masnoće manjim od 2%.

Priznanja za kvalitet proizvoda na 20. Generalnom sajmu B&H uručena su na svečanoj dodjeli priznanja u Promotivnoj dvorani Sajmište u Zenici u prisustvu velikom broja zvanica iz privrednog i kulturnog života B&H i regiona.

20. Generalni sajam B&H ove godine je okupio 405 učesnika-izlagača iz 22 države.